1960-70-ci illərin məşhur simalarından olan italiyalı müğənni Milva (Maria Ilva Biolcati) 81 yaşında vəfat edib.
Bu barədə onun qızı Martina Korqniati ANSA agentliyinə bildirib.
Milva İtaliya ilə yanaşı Almaniyada da populyarlıq qazanıb.
Son albomunu 2010-cu ildə buraxan müğənninin ən çox sevilən mahnıları arasında “La Possa”, “La Pantera di Goro”, “Nessuno di Voi”ni sadalamaq olar.
Milva həmçinin Fransa, Türkiyə, Yaponiya, Cənubi Koreya, Yunanıstan, İspaniya və Cənubi Amerikada da albom çıxarıb.
O eyni zamanda, “D'amore si muore”, “The Beautiful Ippolita” kimi filmlərdə də rol alıb.
