Moskvada koronavirusa yoluxan xəstələrdən biri sağalıb, tezliklə xəstəxanadan buraxılacaq.
APA TASS-a istinadən xəbər verir ki, bu barədə cümə günü jurnalistlərə Moskva merinin müavini Anastasiya Rakova məlumat verib.
“Yaxşı məlumatımız var. İlk dəfə olaraq koronavirusa yoluxan xəstələrdən biri sağalıb. Artıq onda yeni virusun heç bir əlaməti olmadığı təsdiqlənib. Yaxın günlərdə sərbəst buraxılacaq”, - A.Rakova bildirib.
Qeyd edək ki, martın 6-da koronavirusun qarşısının alınması və nəzarəti üzrə operativ qərargahdan bildirilib ki, Rusiyada son bir gün ərzində 6 yoluxma qeydə alınıb - Nijni Novqorodda 1, Moskvada 5 hal.
Onların son iki həftə ərzində İtaliyaya səfər etdikləri bildirilib.
