"Abşeron yarımadasında baş verən sürüşmələrin qaşısını almaq mümkün deyil”
Bunu "Sherg.az”a Bayıl, Batandar və Zığdakı sürüşmələrdən danışarkən Müstəqil Memarlar Assosiasiyasının rəhbəri Zemfira Budaqova bildirib.
Onun sözlərinə görə, Abşeron yarmadasında baş verən sürüşmələr xoşagələn deyil:
"Ümumiyyətlə, son vaxtlar dünyada suyun səviyyəsi qalxıb. Hazırda aysberqlər əriyir və okeanlara qarışır. Xəzər dənizinin də dünya okeanı ilə yeraltı çaylar vasitəsi ilə əlaqəsi var. Bu kimi proseslər torpaqlarda qrunt sularının səviyyəsini qaldırır.
Bildiyimiz kimi, Abşeron yarımadası gil təbəqəsinin üzərində yerləşdiyinə görə, gilli torpaqlar islanan kimi sürüşmə yaradır.
Hazırda sürüşmələrin qarşısını almaq qeyri-mümkündür. Bu proseslər sonda dağıntılar, uçqunlar yaradacaq. Sadəcə, sürüşmə baş verən ərazilərdə əhalini təxriyyə edib, həmin yerlərdə torpaqları ağırlaşdırmamaq lazımdır”.
Kənan Eynuroğlu
