NASA Antarktidada "Thwaites" aysberqinin dibində nəhəng boşluq aşkar edib.
"Sherg.az" Fransanın"sciencesetavenir.fr" (elm və gələcək) saytına istinadən xəbər verir ki, "Thwaites" aysberqi son 3 ildə 14 milyard ton buz itirib . Saytın yazdığına görə, bu boşluq böyüməyə davam edərsə, suyun səviyyəsi təhlükəli həddə çatacaq və dünya suyun altında qalacaq.
"Thwaites" Qərbi Antarktidada ən böyük buz dağlarından biridir və indiki dövrdə onun əriməsi çox dəhşətli hadisələrə yol aça bilər. Çünki bu aysberqlə bağlı alimlərin fikirləri heç də nikbin deyil.
NASA 2010-cu ildən etibarən "IceBridge" əməliyyatının bir hissəsi olaraq, Antarktika və Qrenlandı təyyarədə yerləşdirilən radarla öyrənir.
Bu buz dağının altında 10 kilometr uzunluğunda, 350 metr hündürlüyündə 4 böyük boşluq var.
Hazırkı təxminlərə görə, dünyada su səviyyəsinin yüksəlməsində "Thwaites'"ın iştirakı 4 faiz təşkil edir. Əgər," Thwaites" buz dağı əriyərsə, buzun əriməsi bütün bölgəyə öz təsirinigöstərəcək, okeanlarda suyun səviyyəsi təxminən 2,4 metr artacaq ki, bu da fəlakət deməkdir.
"Thwaites"ın əriməsinin səbəblərini daha yaxşı öyrənmək üçün Böyük Britaniya və Amerika 2018-ci ilin aprel ayında geniş monitorinq və "in-situ" tədqiqat proqramı başladıblar. 1500 metr dərinliyində qazmağı bacaran və avtonom sualtı qayıqlar tərəfindən dəstəklənən "su-jet" qazma qurğuları ilə yüz nəfər alim önümüzdəki illərdə onu hərtərəfli nəzərdən keçirəcək".
Tərcümə etdi: Ayyət Əhməd
