"Paşinyanın Almaniya səfəri və kansler Angela Merkellə görüşü bir sıra nəticələrə gəlməyə əsas verir. Ümumiyyətlə, Paşinyan faktiki olaraq öz sələflərinin siyasətinin yeridir”.
Bunu "Sherg.az”a açıqlamasında millət vəkili, siyasi elmlər doktoru Elman Nəsirov deyib.
Deputat bildirib ki, Paşinyanın Avropaya getməkdə məqsədi pul dilənmək, erməni lobbisindən və diasporasından sədəqə toplamaqdır: "Baş nazir xarici ölkələrdən investisiya cəlb etməyə çalışır. Lakin hadisələrin gedişatı göstərir ki, artıq xarici ölkələrdəki erməni lobbisi İrəvan hökumətinə davamlı ianələr verməkdə maraqlı deyil.
Ermənistandakı daxili gərgin durum, dözülməz iqtisadi vəziyyət, investorlar üçün cəlbedici olmaması bu kimi cəhdlərin uğursuz olmasını şərtləndirir. Bu baxımdan Paşinyanın Almaniya səfəri də istisna təşkil etmir”.
Parlament üzvü vurğulayıb ki, Ermənistan baş nazirinin Almaniyaya səfəri zamanı ölkəsinin və ermənilərin nə qədər kriminallaşdığı, xarici dövlətlərdə fəaliyyət göstərən ermənilərin Ermənistan dövləti ilə nə qədər bağlı olduğu üzə çıxdı:
"Bir müddət öncə Almaniyanın nüfuzlu "Der Spiegel” jurnalında erməni mənşəli cinayətkar qruplaşmalardan geniş bəhs olundu. Onların çirkin əməlləri ifşa edildi. Eyni zamanda bu fəaliyyətin Ermənistan dövləti ilə bağlılığı haqqında da faktlar üzə çıxarıldı. Hətta ermənilərin dünyanın ən güclü mafiyası olan İtalyan kriminal qruplaşmalarla əlaqəsi də oraya qoyuldu”.
E.Nəsirovun sözlərinə görə, Almaniya hökuməti ölkədəki erməni mafiyasının dövlətin təhlükəsizliyi üçün ciddi təhdid olduğunu bəyan etməkdədir:
"Ən təhlükəlisi isə odur ki, erməni mafiyoz qruplar Ermənistan dövləti ilə əlbir şəkildə fəaliyyət göstərirlər. Artıq bu həqiqətlər Almaniyanın, eləcə də Avropanın bütün nüfuzlu nəşrləri də gündəmə daşımaqdadır. Nəticə etibarı ilə Ermənistanın özünü "sülh göyərçini” kimi təqdim etmə cəhdləri də tədricən fiaskoya uğrayır. Paşinyan hansı ölkəyə gedirsə, erməni mafiyası ilə bağlı tənqidlərə və xəbərdarlıqlara tuş gəlir. Bu cür faktlar Paşinyanın özünü "demokrat” adlandırmasını mümkünsüz edir”.
İsmayıl
