"Bir müddət öncə "Azneft" meydanının yaxınlığındakı keçiddə popkorn satışı ilə gündəmə gələn İsrafillə danışdım, vəziyyətini soruşdum”.
Lent.az xəbər verir ki, bu barədə məlumatı Təhsil Nazirliyinin İctimaiyyətlə əlaqələr sektorunun müdiri Cəsarət Valehov paylaşıb. Onun sözlərinə görə, İsrafil hazırda əmisinin yanında çalışdığını deyib:
”Təhsillə bağlı təklifimizə gəldikdə isə, yaxın müddətdə fikrini bildirəcəyini dedi”.
Qeyd edək ki, deputat Rasim Musabəyov "Azneft” meydanı ərazisində yerləşən yeraltı keçiddə bir uşağın pop-korn satmasına etiraz edərək, onun vergidən yayındığını, ətrafı popkorn qoxusu bürüdüyünü deyərək, sosial şəbəkədə müvafiq qurumlara tədbir görmələri üçün çağırış etmişdi.
Deputatın iradından sonra isə həmin uşaq popkorn aparatı ilə birlikdə yeraltı keçiddən uzaqlaşdırılmış və baş verənlər etirazlara səbəb olmuşdu.
