Rusiyanın "Kosmos-2525" hərbi peyki orbitdən çıxaraq atmosferin sıx qatında yanıb.
"Sherg.az" ted.az-a istinadən bildirir ki, məlumatı Şimali Amerika Hava-komsik müdafiə komandanlığı (NORAD, North American Aerospace Defense Command) yayıb.
Məlumata görə, peyk aprelin 1-də orbitdən çıxıb. Hazırda obyekt orbitdə mövcud deyil.
Bildirilib ki, "Kosmos-2525" Rusiya Müdafiə Nazirliyinin maraqlarını təmin etmək üçün 2018-ci il martın 29-da Arxangelsk vilayətinin Plesesk kosmodromundan "Soyuz-2.1v" raket daşıyıcısı ilə buraxılmışdı.
Peykin təyinatı ilə bağlı rəsmi məlumat yoxdur.
