Sən demə qocalığın qarşısını almaq üçün saqqız çeynəmək kifayət imiş. Amma adisini yox, platin saqqız...
Sherg.az xəbər verir ki, bu saqqızı yapon alimləri kəşf edib.
Ömrü necə uzatmaq və daha çox yaşamaq olar?
Yaşın öhdəsindən tam gəlmək mümkün olmasa da, qocalmanı az-çox ləngitmək mümkündür. Yapon alimləri sözügedən problemin həlli üçün bu yaxınlarda elmlə xalq təbabətinin culğalaşmasından ibarət maraqlı bir üsul təklif ediblər.
Onların yaratdığı platin saqqız toxumaların qocalmasını sürətləndirən fəal oksigeni neytrallaşdırmaq qabiliyyətinə malikdir. Saqqızın tərkibindəki platin zərrələri bu fəal oksigeni "yaxalayaraq” orqanizmdən xaric edir.
Hər çeynəm saqqızda qramın milyonda biri qədər lap kiçicik zərrələr halına salınmış bu qiymətli metaldan var. Yaponlar tezliklə, apteklərdən cavanlaşdırıcı saqqız ala biləcəklər. Onun qocalığı necə il təxirə salacağı hələ ki, məlum deyil, amma tədqiqatçıların sözlərinə görə, o, hökmən beynin işini yaxşılaşdırmalı diqqətin cəmləşməsini yüksəltməlidir. Platin orqanizmə məhz bu cür təsir göstərir.
