"Xaricdə təhsilin dövlət nəzarətində olması müsbət haldır. Ancaq qanunda bəzi müddəlar məhdudlaşdırıcı xarakter daşıyır”.
"Sherg.az" bildirir ki, bu sözləri millət vəkili Fazil Mustafa parlamentin bugünkü iclasında Cinayət Məcəlləsinə dəyişikliklər edilməsi haqqında qanun layihəsi barədə danışarkən deyib.
O, bildirib ki, qanunda istisna hal kimi xaricdən dəvət edilən din xadimlərinin təbliğat aparmasına icazə verildiyi qeyd edilib: "Hesab edirəm ki, bu istisna universitet professorlarına da şamil olunmalıdır. Hər situasiyaya yenidən qanuna dəyişiklik etməmək üçün bu məsələ həllini tapmalıdır”.
Spiker Oqtay Əsədov isə qanuna dəyişikliklərlə bağlı deputatın dedikləri ilə razılaşıb:
"Fazil müəllim, sözlərinizdə haqlısınız, amma qanun layihəsi artıq qəbul edilib”.
Qeyd edək ki, dəyişikliklər Cinayət və İnzibati Xətalar Məcəlləsini "Dini etiqad azadlığı" haqqında Qanuna uyğunlaşdırmaq məqsədi daşıyır.
Anar
