"İndiki zamanda teatrlardakı tamaşalar gənclərə maraqlı deyil”
Bu barədə "Sherg.az”a gənclərin teatra olan marağının öləziməsindən danışarkən sosioloq Əhməd Qəşəmoğlu bildirib.
Onun sözlərinə görə, bu gün teatrlarda gənclər yoxdursa,onun səbəbini təkcə gənclərdə axtarmaq lazım deyil:
"Burada bir neçə amil var. Amilin biri odur ki, gənclərimizin zövqü məsələsinə diqqət verən yoxdur.Gənclərin zövqü kifayət qədər korlanıb. Televiziyalar bütün günü səhərdən axşama gənclərin estetik zövqünü korlamaqdadır.
Teatrdakı tamaşalar onlara maraqlı deyil. Bundan əlavə teatrların özü yaxşı vəziyyətdə deyil. Teatrlarmızda akustika da çox pisdir. Mən teatrlarda iştirak eləmişəm. Teatrlarmızda səslənmə arzu olunan şəkildə olmur. Ora gedən adam əsəbləşə bilər. Deyilənlər yaxşı və tam eşidilmir.
Qabaqlar teatr mədənyəti deyilən bir anlayış vardı. Ora əvvələr yüksək səviyyəli bir yer sayılırdı. İnsanlar teatrlara gedəndə geyimindən tutmuş hərəkətlərinə qədər fikir verirdi. Gənclərimiz teatra getməlidir. Amma burda teatra getmək məqsəd deyil, teatra getmək vasitədir. Teatrdan bir vasitə kimi istifadə etmək üçün məqsad və səbəblər ortaya qoyulmalıdır.
Hədəflər barəsində aydın məlumat olmadığı halda, vasitənin nə olduğunu aydınlaşdırmaq mümkün deyil. Buna görə məsələ xoşa gəlməz vəziyyətdədir. Orta da konkret bir mədəniyyət konsepsiyası olmalıdır. Teatrla bağlı görüləsi iş çoxdur"
Kənan Eynuroğlu
