Fransada 25 yaşlı xanım, yeni doğulan körpəsını boğub öldürdüyü üçün 12 il azadlıqdan məhrum edilib.
"Sherg.az" "lefigaro.fr"ə istinadən xəbər verir ki, hadisə 2012-ci iln 14 martında Val Duazda baş verib.
Belə ki, ana vanna otağında yenicə doğulmuş körpəsinin ağzına tualet kağızı basaraq nəfəsini kəsib. Bu hadisəyə görə, həmin xanım öncə 20 il azadlıqdan məhrum edilib. Daha sonra onun psixoloji durumun yerində olmaması nəzər alınaraq həbs müddəti 15 ilə, hazırda isə 12 ilə endirilib.
Yazıda qeyd olunur ki, öncə ana uşağın xəstə olduğunu iddia edib, onun köklükdən əziyyət çəkdyini söyləyib. Otopsidən sonra isə uşağın tam sağlam olduğu üzə çıxıb.
Uşağını boğaraq öldürən ana ilk məhkəmə dindirilmələrində bunları deyib: "Buna inanmaq istəmirəm. İnana bilmirəm ki, mən öz balamı necə boğmuşam, hansı düşüncə ilə, hansı vicdanla ? Bütün günü bunları düşünüb özümü məhv edirəm. Vicdanım və beynim bunu qəbul edə bilmir. O qədər təssüflənirəm ki... "
Məqalədə o da vurğulanır ki, ana öz körpəsini boğduqdan sonra onu sumkaya qoyaraq, zibil qabına atır. Vətəndaşlardan biri də zibil atmağa gələrkən zibil qabının içərisində körpə pişik balasının mıyıltısına bənzər səs eşidir və dərhal qabın içinə baxır. Və bu körpəni görən vətəndaş dərhal polisə məlumat verir. Körpəni həkimə çatdırana qədər uşaq dünyasını dəyişir.
Onu da deyək ki, bu hadisə ilə bağlı ilk olaraq polisə həmin ananın ögey bacısı məlumat verib.
Tərcümə etdi Ayyət Əhməd
