"Məhəmmədhüseyn Şəhriyar kimi nəhəng şairlərin, mütəfəkkirlərin siyasətdən, siyasi münasibətlərdən yüksəkdə dayanırlar”.
Bunu "Sherg.az”a İranda türk dünyasının Güney Azərbaycandan olan görkəmli şairi Məhəmmədhüseyn Şəhriyarın büstünə edilən hörmətsizliklə bağlı danışarkən Vətəndaş Həmrəyliyi Partiyasının sədri, xalq şairi Sabir Rüstəmxanlı deyib.
O bildirib ki, İranda hansı şəhərdə olmasından asılı olmayaraq, Şəhriyarın xatirəsi əziz tutulmalıdır:
"Məhəmmədhüseyn Şəhriyar həm fars, həm də türk dillərində gözəl əsərlər yazmış, dünya şöhrətli sənətkardır. Onun heykəlinə hörmətsizlik o cəmiyyətin vəhşiliyini, insanlıqdan uzaq olduğunu göstərir”.
Son vaxtlar İranda Azərbaycan türk milləti və onun tarixi şəxsiyyətlərinə qarşı təhqiramiz hərəkətlərin artmasına münasibət bildirən S.Rüstəmxanlı bu hadisələrin də səbəbini izah edib:
"Səbəb azərbaycanlıların "yatmasıdır”. Onlar öz haqqını müdafiə etmir, sözünü demir. İranda yaşayan azərbaycanlılar ana dili uğrunda mübarizə aparmadıqca ayaq altında qalacaq, təhqir olunacaq. Ona görə, millət özü səy göstərməlidir. İran əhalisinin yarıdan çoxu türkdür. Niyə öz hüquqlarını müdafiə edə bilmirlər?
Vəziyyətin dəyişməsi üçün imkanı xalq özü yaradır”.
Qeyd edək ki, yayılan görüntülərə əsasən, bir qrup naməlum şəxs zorakılıq nümayiş etdirərək şairin büstünü tanınmaz hala salıb.
Hadisənin hansı şəhərdə baş verməsi ilə bağlı dəqiq olaraq məlumat yoxdur, lakin görüntünü virtual aləmdə yayan mənbələr onun Məşhəd şəhərində baş verdiyini qeyd edib.
Aysel Aslan
