Milli Məclisin bugünkü iclasında xalq artisti, millət vəkili Zeynəb xanlarova digər bir xalq artisti, aktyor Rasim Balayevdən danışıb.
Sherg.az bildirir ki, "Ataların bir sözü var, "desəm öldürərlər, deməsəm ölləm” söyləyən Zeynəb xanım deyib ki, bu dəfə səsini çıxaracaq:
"Mədəniyyətimizə, incəsənətimizə böyük töhfələr verən Rasim Balayev haqqında danışmaq istəyirəm. O, elə bir sənətkardır ki, Babəki, Nəsimini yaradıb. Amma həkim aktyora dərmən yazıb, onu almağa pulu yoxdur. Mən üzümü Mədəniyyət və Turizm, Səhiyyə nazirliklərinə tuturam. Nazirliklər niyə bu məsələyə baxmırlar?! Artıq canda can qalmayıb. Niyə buna əncam qılmırlar?! Mən millətin adından xahiş edirəm ki, onunla məşğul olsunlar. Rasim Balayevin aldığı pul nədir ki, dərmanlara versin? Mən xahiş edirəm Oqtay müəllim, siz də, bizim hamımız da bu böyük sənətkara kömək olaq”.
Anar
