Okeanlardan gələn qəribə uğultu: Alimlər sirri çözməyə çalışır
Yusif Nəzərli
03:27 01.12.2024
Dünya
491
Alimlər və dənizçilər onilliklərdir ki, okeandan gələn qəribə, unikal səsləri qeydə alırlar. Uğultu, bəzən fısıltı kimi eşidilən, sanki burun dəliklərindən gəlirmiş kimi hiss edilən bu səslər bizə çox yaddır.
“Sherg.az” “tr.mashable.com”a istinadən bildirir ki, "bio-ördək" (əslində, ördək səsinə çox da oxşamır) adlanan bu səslərin nümunəsini əks etdirən videogörüntülər mövcuddur. Tədqiqatçılar 1982-ci ildə qeydə alınan səsi yenidən təhlil edərək müəyyən ediblər ki, Sakit Okeanda Cənubi Fici hövzəsində qeydə alınan səs müxtəlif heyvanlara məxsusdur. Onlar sanki öz aralarında söhbət edirlər. Viktoriya Universitetinin tədqiqatçısı və tədqiqatın müəllifi, sualtı akustika mütəxəssisi Ross Kapman, "Bəlkə, onlar yeməkdən danışırdılar, bəlkə də, övladları ilə danışan valideynlər idi, bəlkə də, onların üstündən daima irəli-geri keçən və arxasında uzun bir kəndir daşıyan çılğın gəmidən danışırdılar", deyib. Səsi ilk eşidənlər bu dərin dəniz səslərinin qeyri-təbii olduğunu düşünür. Mövzu ilə bağlı daha əvvəl açıqlama verən ABŞ Milli Okean və Atmosfer İdarəsindən (NOAA) Denis Riş, "Onlar nizamlı nəbzlə davam edən aşağı tezlikli bir səs eşitdilər. Səs az qala mexaniki səslənir" deyib və əlavə edib: "Beləliklə, siz onu ilk dəfə eşidəndə onun heyvan olduğunu düşünməyə bilərsiniz. Amma o, çox yüksək səslənir və hər tərəfə şüalanır. Siz onu qış dövründə Cənubi Okeanda eşidə bilərsiniz". Elm adamları bu qeyri-adi mexaniki səsləri sualtı səsləri aşkar edə bilən hidrofonlar sırasının köməyi ilə qeydə alıblar. İstifadə edilən müxtəlif hidrofonlar tədqiqatçılara müxtəlif dinamikləri ayırd etməyə imkan verib. "Biz kəşf etdik ki, okeanın müxtəlif yerlərində ümumiyyətlə fərqli danışanlar var və onların hamısı bu səsləri çıxarırdı" deyə Kapman izah edib. "Ən təəccüblü olanı odur ki, bir nəfər danışmağa başlayanda digərləri dinləyirmiş kimi susurlar. Sonra birinci danışan susur və digərlərinin cavablarını dinləməyə başlayır". Uzun bir sıra hidrofonları çəkən gəminin arxa tərəfi. Hidrofonlar suyun içindədir, gəmidən metrələrcə uzaqdadır. İlkin araşdırmalar göstərir ki, balinaların ən kiçik növü olan mink balinaları bu səsləri çıxarır. Bununla belə, bu aşkarlanmağı təsdiq edən heç bir balina şəkli hələ tapılmayıb. Yenə də bu qeyri-adi səslərin heyvanlardan gəldiyi aydındır. Və bu heyvanlar balinalardırsa, bu da təəccüblü olmazdı. Çünki bu ağıllı, mədəni dəniz məməliləri okeanı mahnılarla doldurur.
Oxşar xəbərlər
Xəbər lenti
Hamısına bax
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya