Məşhur müğənni Alişan və həyat yoldaşı Buse Varol müqəddəs torpaqlardan paylaşım edib.
Sherg.az xəbər verir ki, bir müddət əvvəl Sevgililər Günü planlarını açıqlayan məşhur müğənni Alişan həyat yoldaşı Buse Varol ilə Ümrə ziyarətinə gedib. Həyat yoldaşı ilə fotosunu paylaşan Alişan bu qeydi yazıb:
"Allahım, üçüncü dəfə bu yerləri görməyi mənə nəsib etdiyin üçün, bu mübarək müqəddəs gündə burada olmağımı, həyat yoldaşımla birlikdə Ümrə ziyarətinə getməyimi nəsib etdiyin üçün sənə şükkürlər olsun.Allah istəyən hər kəsə qismət eləsin... Bütün dünyasını dəyişənlərimizin məkanı cənnət olsun, övladlarımızın ömürləri xeyirli, gecələri xeyirli olsun..."
Buse Varol isə paylaşımında bunları qeyd edib: "Kəbəyə toxunub dua etmək şansım oldu. Belə gözəl gündə... Hisslərimi təsvir edə bilmirəm. Yuxu kimi idi, uzun müddət həyəcandan dizlərim titrəyirdi. Yalnız bunu xatırlayıram və ağlıma ilk gələn övladlarım oldu. Allah hər kəsin qəlbinə rahatlıq versin. Allah məni və ailəmi pisliklərdən qorusun. Gerisi boş şeydir. Bu günümə min şükürlər olsun".
