Gəncədə şagird müəllimə etiraz olaraq sinif jurnalını oğurlayıb.
Teleqraf-ın yerli bürosu xəbər verir ki, hadisə Gəncə şəhər Şah İsmayıl Xətai adına 13 nömrəli tam orta məktəbdə qeydə alınıb.
İlkin məlumata görə, aşağı qiymət alan şagirdlə müəllim arasında mübahisə düşüb. Dərs bitdikdən sonra isə 7-ci sinif şagirdi müəllimə etiraz olaraq sinif jurnalını oğurlayıb.
Bu fakt bir neçə saatdan sonra aşkar olunub. Məktəb rəhbərliyi polisə müraciət edib. Jurnal məktəbə təhvil verilib, həmçinin şagirdin valideynləri məktəbə dəvət olunub, onlarla söhbət aparılıb.
