Ötənlərdə Ağstafa rayonunda intihar hadisəsi baş verib. Hadisə rayonun Köçəsgər kəndində qeydə alınıb. Kənd sakini, 2010-cu il təvəllüdlü Elgün Pərviz oğlu Qocayev yaşadığı evin həyətində özünü asıb. Yeniyetmənin özünə qəsd etməsinin səbəbləri hələlik məlum deyil. Faktla bağlı araşdırma aparılır.
Hadisə ilə bağlı “Sherg.az”a danışan QHT nümayəndəsi, Qadın və Uşaqların Təhsilinə Dəstək İctimai Birliyinin rəhbəri Sevinc Fədai deyib ki, belə məqamlarda valideynlər və məktəb pisxoloqları diqqətdi olmalıdırlar:
“13 yaşlı bir uşaqın intiharı bilməsi artıq təccüblü bir hal deyil. Əksinə buna gündən- günə alışırıq. Uşaqlar internet vasitəsi ilə hər şeydən xəbərdardılar. İntiharı və digər zərərli vərdişləri bu vasitə ilə öyrənirlər. Belə hallarda valideyn nəzarətinə ehtiyac var. Uşaqların nəyə baxdıqlarına, hansı informasiyanı aldıqlarına ciddi şəkildə yanaşmalıdırlar. Buna görə də valideyn uşaqla tez-tez söhbət aparmalıdır.
Valideyn uşaqla arasında ünsiyyət yaratmalıdır ki, uşaq nəyisə danışmaqdan çəkinməsin. Bəzən uşaq etmək istədiyini evdə dilə gətirir, ancaq valideyn fikir vermir. Onların düşüncələrinə diqqət etmək vacibdir. Uşaqlar olan yerlərdə fərqli və ziyanlı söhbətlər edilməməlidir.
Günün yarıdan çoxunu uşaqlar məktəbdə keçirirlər. Məktəb pisxoloqlarının fəaliyyətlərinə ciddi nəzarət edilməlidir. Onlar sadəcə “Məktəbdə adı getsin, özü maaş alsın” prinsipi ilə işləmələ deyillər. Öz üzərlərinə düşən işi düzgün yerinə yetirməlidirlər.
Uşaqların davranışlarına lazımi diqqət göstərib, yaranan problemi valideynlərinə və müəllimlərə bildirməlidirlər. Stres testləri aparıb, uşağların vəziyyətlərini öyrənmək lazımdır.
Ola bilsin ki, hər hansı bir tramvanı valideynə danışa bilmir. Bu zaman pisxoloqa ehtiyac yaranır. Valideynlər uşaqlarında olan narahatlıqları həll etməlidirlər. Əks halda intihara qədər aparıb çıxarır”.
Şərqiyyə Nəbi
