Daxili İşlər Nazirliyinin əməkdaşı vətəndaşla kobud rəftarına görə işindən azad edilib.
Bu barədə DİN-in mətbuat xidmətindən məlumat verilib. Bildirilib ki, ötən gün yol polisi əməkdaşının sürücü ilə kobud davranması faktı aşkar edilib:
"Nəticədə Sumqayıt Şəhər Polis İdarəsinin Yol Patrul Xidmətinin əməkdaşı İsmayıl Məmmədov daxili işlər orqanlarında xidmətdən xaric olunub".
Qeyd edək ki, ötən gün sosial şəbəkələrdə polis əməkdaşının vətəndaşa qarşı kobudluq etməsi ilə bağlı videogörüntü yayılıb.
