Cərimələr 10 dəfə artırılsın: "Yaşıl terror”un qarşısını almaq mümkündür
Yusif Nəzərli
09:52 01.12.2024
Sosial
568
Kütləvi ağackəsmə zamanı isə əmlakı müsadirə olunmaqla həbs cəzası verilməlidir
Qanunsuz olaraq ağacları, kolları və ya digər yaşıllıqları kəsməyə görə cərimələr dəyişir, cəzalar sərtləşdirilir. Milli Məclisin ötən gün keçirilən iclasında müzakirəyə çıxarılan Cinayət Məcəlləsinə təklif edilən dəyişiklikdə əksini tapıb.
Layihəyə əsasən, ağacların, kolların və ya digər yaşıllıqların, eləcə də meşə fonduna daxil olmayan ağacların, kolların və ya digər yaşıllıqların qanunsuz kəsilməsi (götürülməsi) xeyli miqdarda ziyan vurduqda - cinayət nəticəsində vurulmuş ziyanın iki misli miqdarında cərimə və ya iki ilədək müddətə islah işləri və ya üç ilədək müddətə azadlığın məhdudlaşdırılması və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə azadlıqdan məhrumetmə ilə cəzalandırılacaq. Qanun layihəsi səsverməyə çıxarılaraq üçüncü oxunuşda qəbul edilib.
Sağlam Cəmiyyət Hərəkatının sədri,“Ekoloq jurnalistlər” İctimai Birliyinin sədr müavini Elçin Bayramlı isə “Sherg.az"a açıqlamasında deyib ki, Bakıda əsas ekoloji böhran yaşıllıqların və ağacların məhv olması ilə bağlıdır. Ekspert hesab edir ki, cərimələr 10 dəfə artırılmalı, kütləvi ağackəsmə zamanı isə əmlakı müsadirə olunmaqla həbs cəzası verilməlidir. Yalnız bu yolla "yaşıl terror”un qarşısını almaq mümkün olar.
Qanunvericiliyə təklif edilən dəyişikliyə gəldikdə isə E.Bayramlı deyib ki, çox “tez”ayılıblar:
“Ölkədəki ağacların yarısı qırılıb qurtarandan, yaşıllıqlar məhv ediləndən sonra “toydan sonra mağar” kimi edilən dəyişikliklərin heç bir effekti olmayacaq. İllərdir ekoloji cinayətlərlə bağlı cərimələrin artırılmasının tərəfdarı olmuşam. İllərdir təklif edirəm ki, cərimələr ən azı 10 dəfə artırılsın, həbs cəzaları kəsilsin. Paytaxtda harada gəldi aparılan tikintilər zamanı ağaclar kəsilir. Kəsmək mümkün olmadıqda isə dibinə kislota və ya digər kimyəvi maddələr tökərək ağacları süni şəkildə qurudurlar. Kəsilən ağaclara görə bəzən sahibkarlara, tikinti şirkətlərinə cərimələr tətbiq edilir. Lakin bu cərimələr kəsilən ağacları geri qaytarmır. Kəsilən ağacların yerinə yeniləri də əkilmir, uzaqbaşı, balaca kollar əkirlər. Sahibkarlar, kafe, restoran sahibləri isə kəsilmiş ağaclara görə ödədikləri cərimədən dəfələrlə artıq pul qazanırlar əlavə sahə, ərazi əldə etməklə. Ərazidə obyekt tikən şəxs oradan ildə 100 min qazanc götürəcəksə, onun üçün bu 3-5 min manatı ödəmək problem deyil. Təklif edirəm ki, cərimələr 10 dəfə artırılsın, kütləvi ağackəsmə zamanı isə əmlakı müsadirə olunmaqla həbs cəzası verilsin. Yalnız bu yolla bu yaşıl terrorun qarşısını almaq mümkün olar”.
Yaxın 1-2 ildə paytaxtımızın ağacsız səhra şəhərinə çevriləcəyini vurğulayan E.Bayramlı deyib ki, sovet dövründə - 80-ci illərdə Bakıda yaşıllığın ümumi həcmi 15 min hektar təşkil edib, hazırda isə təxmini hesablamalara görə, bu rəqəm 7-8 min hektar təşkil edir:
“Bu müddətdə paytaxtda əhalinin sayı 2 dəfə artıb, yaşıllıq sahəsi isə 2 dəfə azalıb, demək, problem 4 dəfə kəskinləşib. Buna görə də paytaxtda və ətrafında böyük yaşıllaşdırma aksiyaları keçirilməlidir, bütün mümkün yerlərdə ağaclar əkilməlidir. Ümumiyyətlə, hansı ərazidə ki əvvəllər yaşıllıq olub, sonradan ağaclar kəsilərək obyektlər, binalar tikilibsə, həmin tikililər sökülməli və yerində yaşıl park salınmalıdır. Həm də ki, yaşıllıqların qırılması ilə bağlı mediada, sosial şəbəkələrdə ictimailəşən məsələlərə dərhal yüksək səviyyədə reaksiya verilməlidir. Yoxsa ki, evinin önündə ağac kəsən vətəndaşla bağlı şikayətə reaksiya verib cərimələyirlər, kütləvi ağac kəsən sahibkarla bağlı şikayətləri isə görmürlər. 2 gün sonra da baxır ki, həmin yerdə tikilən obyekt artıq istifadəyə hazırdır”.
Oxşar xəbərlər
Xəbər lenti
Hamısına bax
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya