Gürcüstanda 41 nəfər əcnəbinin qanuni əsas olmadan yaşamaları müəyyən edilib.
Teleqraf-ın yerli bürosu xəbər verir ki, bu barədə Gürcüstan Daxili İşlər Nazirliyindən (DİN) bildirilib.
Azərbaycan, Türkiyə, Türkmənistan, Hindistan, İordaniya, İran, Nepal, Pakistan, Rusiya, Cənubi Afrika, Ermənistan və Zimbabve vətəndaşları olan həmin şəxslər qanunvericiliyə uyğun olaraq Gürcüstandan çıxarılıb. Əcnəbilərin Gürcüstana girişi də qadağan edilib.
DİN-nin məlumatına əsasən, Gürcüstandan bu ilin iyun ayında 124, ilk altı ay ərzində isə 525 xarici ölkə vətəndaşı deportasiya olunub.
