Gürcüstanın Baş naziri İrakli Kobaxidzenin ABŞ Prezidenti Donald Trampa və vitse-prezident Ceyms Devid Vensə ünvanladığı açıq məktubuna cavab almayıb.
Teleqraf-ın yerli bürosu xəbər verir ki, bu barədə baş nazir jurnalistlərə açıqlmasında deyib.
O qeyd edib ki, susqunluğun özü çox vacib cavabdır.
İ.Kobaxidze, həmçinin ABŞ Konqresində dəstəklənən “Megobari Akt” sənədini gürcü xalqına, Gürcüstanın müstəqilliyinə və suverenliyinə qarşı düşmənçilik aktı adlandırıb.
Qeyd edək ki, baş nazir ABŞ prezidenti və vitse-prezidentinə aıq məktubla mayın 13-də müraciət edib. O bildirib ki, Gürcüstan hökumətinin ABŞ ilə strateji tərəfdaşlığın təmiz səhifədən, konkret yol xəritəsi ilə yeniləməyə hazır olduğu barədə bəyanatlarına hələ cavab alınmayıb. Bununla yanaşı, Gürcüstan və ABŞ hökumətləri arasında bu günə qədər ən yüksək səviyyədə ünsiyyətin olmadığı vurğulanıb.
Xatırladaq ki, Tbilisi-Vaşinqton münasibətlərində böhran ötən ilin noyabrından hökm sürür. ABŞ noyabrın 30-da Gürcüstanla strateji tərəfdaşlığı dayandırıb. Ağ Evin yeni rəhbərliyi Gürcüstanla bağlı mövqeyini rəsmi olaraq hələ açıqlamayıb.
