“Ermənistan parlamentindəki müxalif “Şərəfim var” və “Ermənistan” fraksiyaları Baş nazir Nikol Paşinyanın impiçment edilməsi ilə bağlı razılığa gələ bilmir”.
Teleqraf xəbər verir ki, bunu parlamentdəki hakim “Vətəndaş Müqaviləsi” fraksiyasının deputatı Vaaqn Aleksanyan deyib.
“Fantastikadır: iki müxalifət fraksiyası hələ də impiçmentlə əlaqədar namizədini müəyyən edə və bu məsələni bölüşə bilmir. Buna görə də, daha aşağısını götürmək qərarına gəliblər və baş prokurora (Anna Vardapetyan) etimadsızlıq göstərməyə çalışırlar”, - deputat vurğulayıb.
Aleksanyan Ermənistan müxalifətinin vəziyyətini “faciəli və acınacaqlı” adlandırıb.
Xatırladaq ki, “Şərəfim var” və “Ermənistan” bloklarının liderləri ölkənin keçmiş prezidentləri Serj Sərkisyan və Robert Köçəryandır.
