"Ermənistan konstitusiyasında dəyişiklik edilməsi ölkənin daxili məsələsidir, bu məsələ beynəlxalq tərəfdaşlarla müzakirə mövzusu deyil".
Teleqraf xəbər verir ki, bu fikirləri İrəvanda keçirilən beynəlxalq konfransda Ermənistanın xarici işlər naziri Ararat Mirzoyan müzakirədə iştirak edənlərdən birinin "Azərbaycan artıq paraflanmış sülh müqaviləsini imzalamaq üçün şərt kimi Ermənistandan konstitusiyasını dəyişdirməsini tələb edib" qeydinə cavab olaraq belə deyib.
"Danışıqların ikitərəfli gündəliyində belə bir mövzu yoxdur. Amma onlar bunu deyirlər. Eşitmişəm ki, konstitusiyanı dəyişdirməsək, onlar sazişi imzalamağa hazır deyillər, amma biz inanırıq ki, konstitusiya Ermənistanın daxili məsələsidir. Yəqin ki, konstitusiya ilə bağlı referendum keçirəcəyik, amma bu, beynəlxalq tərəfdaşlarla müzakirə mövzusu deyil", - Mirzoyan bildirib.
