Avropa Komissiyasının rəhbəri Ursula fon der Leyen “Qazprom”un qaz təchizatının dayandırılması ilə bağlı bəyanatlarını şantaj adlandırıb. Siyasətçi müvafiq ittihamları “Twitter” hesabında səsləndirib.
Fon der Lyayenin sözlərinə görə, Avropa İttifaqı belə bir ssenariyə hazır idi və Rusiya şirkətinin hərəkətlərinə müvafiq cavab verməyi planlaşdırır.
“Avropalılar əmin ola bilərlər ki, biz təsirə məruz qalan üzv dövlətlərlə birlik və həmrəylik içində qalmağa davam edirik”, – deyə Avropa Komissiyasının rəhbəri qeyd edib.
Aprelin 27-də, səhər “Qazprom” Bolqarıstanın “Bulgargaz” şirkəti və Polşanın “PGNiG” şirkətlərinə rublla ödəniş etmədikləri üçün qaz tədarükünü tamamilə dayandırdığını elan edib. Bolqarıstanın Baş naziri Kiril Petkov da Rusiya şirkətini şantajda və müqavilənin şərtlərini kobud şəkildə pozmaqda ittiham edib. Siyasətçi vurğulayıb ki, ölkə “bu cür reketliyə” boyun əyməyəcək.
Mənbə: Lenta.ru
