ABŞ, Böyük Britaniya və AB də daxil olmaqla, Qərb müttəfiqləri İsrail və Hizbullah arasında döyüşlərin şiddətlənməsindən sonra Livanda müvəqqəti atəşkəsə çağırıblar.
Axar.az xəbər verir ki, bu barədə BBC məlumat yayıb.
Məlumata görə, 12 dövlətdən ibarət blok diplomatik həllə nail olmaq üçün hərbi əməliyyatların 21 günlük dayandırılmasını və Qəzzada atəşkəsin yaradılmasını təklif edib.
Müttəfiqlər birgə bəyanatda hərbi əməliyyatların dözülməz olduğunu, İsrail və Livan xalqının maraqlarına uyğun olmayan daha geniş regional eskalasiya üçün qəbuledilməz risk yaratdığını bildiriblər.
Birgə bəyanatı ABŞ, Avstraliya, Kanada, AB, Fransa, Almaniya, İtaliya, Yaponiya, Səudiyyə Ərəbistanı, Birləşmiş Ərəb Əmirlikləri, Böyük Britaniya və Qətər imzalayıb.
