Fransa Prezidenti Emmanuel Makron noyabrın 2-də Özbəkistana səfər edəcək.
APA xəbər verir ki, bu barədə Yelisey Sarayının mətbuat xidməti məlumat yayıb.
Qeyd olunub ki, Qazaxıstana səfərdən sonra Fransa Prezidenti noyabrın 2-də Daşkəndə səfər edəcək.
“Fransa islahat və modernləşmə yolunda Qazaxıstan və Özbəkistanı dəstəkləməyə, beynəlxalq əlaqələrin inkişaf etdirilməsinə töhfə verməyə, bu ölkələrin müstəqilliyini və suverenliyini, eləcə də Avropa ilə münasibətləri gücləndirmək niyyətini dəstəkləməyə hazırdır”, - mətbuat xidmətindən bildirilib.
Xatırladaq ki, Fransa lideri dünən Yaxın Şərq səfərindən ölkəsinə qayıdıb. Makron ilk olaraq İsrailə səfər edib, orada Prezident İsxak Hersoq və Baş nazir Benyamin Netanyahu ilə görüşüb, həmçinin Ramallaha səfər edib və Fələstin lideri Mahmud Abbasla danışıqlar aparıb.
Səfərin son günündə Əmmanda İordaniya Kralı II Abdullah ibn Al Hüseynlə və elə həmin gün Qahirədə Misir Prezidenti Əbdülfəttah əs-Sisi ilə görüşlər keçirib.
