Ermənistan parlamentinin spikeri Alen Simonyanın qardaşı Karlen Simonyanın həyat yoldaşı Ani Gevorqyan saxlanılıb.
Trend xəbər verir ki, bu barədə erməni KİV-i məlumat yayıb.
Məlumata görə, Gevorqyan Ermənistanın İqtisadiyyat Nazirliyində korrupsiya işi çərçivəsində saxlanılıb. Sui-istifadə və fırıldaqçılıqda ittiham olunan Gevroqyanın həbsi üçün məhkəməyə vəsatət verilib.
Xatırladaq ki, ötən gün Ermənistanın işdən çıxarılan iqtisadiyyat nazirinin müavini Ani İspiryan və nazirliyin daha 6 əməkdaşı saxlanılıb. Onlar vəzifə səlahiyyətlərindən sui-istifadə və korrupsiyada ittiham olunurlar.
