HƏMAS lideri İsmayıl Haniyə qaldığı evə qoyulan bomba nəticəsində öldürülüb.
Axar.az xəbər verir ki, bu barədə “Nyu York Tayms” nəşri iki iranlı və bir amerikalı mənbəyə istinadla məlumat yayıb.
Məlumata görə, bomba həmin evə iki ay əvvəldən yerləşdirilib, Haniyə ora gələn kimi işə salınıb.
Türkiyəli terror və təhlükəsizlik üzrə ekspert Abdullah Ağar da sui-qəsdin bomba ilə törədilə biləcəyini ehtimal edib:
“Ehtimallardan biri də bombadır. Bu, binanın dağılmasından da görünür. Binanın görüntülərə baxdığımız zaman ora bomba yerləşdirildiyini görə bilərik. Hətta partlayış görüntüsü də var. Orada da partlayışın içəridən çölə doğru baş verdiyini görmək mümkündür”.
