Abdulla Şaiqin nəticəsi: "Valideynlərim həmişə bizimlə Azərbaycan dilində danışıblar"
Abdulla Şaiqin nəticəsi: "Valideynlərim həmişə bizimlə Azərbaycan dilində danışıblar"
10:13 02.08.2024
Cəmiyyət
583
"Valideynlərim evdə həmişə bizimlə Azərbaycan dilində danışıb, nağıllar oxuyublar".
Bunu "Report"un Laçına ezam olunmuş müxbirinə açıqlamasında azərbaycanlı ədib Abdulla Şaiqin Kanadada yaşayan nəticəsi Aran Rəfipur deyib.
O, Kanadada yaşasalar da, qohumları ilə mütəmadi əlaqə saxladıqlarını bildirib:
"Mən Abdulla Şaiqin nəticəsiyəm, 28 yaşım var. 2018-ci ildə Viktoriya Universitetindən məzun olmuşam. Tarix və sosiologiya təhsili almışam. Çox fəxr edirəm ki, bu gün diaspor gəncləri ilə bu düşərgədə iştirak edirəm. Dörd il əvvəl Avstriyanın Vyana şəhərində bir konfransda olmuşdum, orada da azərbaycanlılarla tanış oldum, onlar Diasporla İş üzrə Dövlət Komitəsində işləyirdilər, beləliklə. əlaqələrimiz yarandı və mən bu düşərgəyə dəvət olundum. Bu mənim Azərbaycana dördüncü səfərimdir. Bundan əvvəl 2007, 2012 və 2023-cü illərdə gəlmişəm".
A.Rəfipur söyləyib ki, bu onun işğaldan azad edilmiş Azərbaycan ərazilərinə ilk səfəridir:
"Allah şəhidlərimizə rəhmət eləsin, onların sayəsində bu gün Laçındayıq".
Kanadadakı fəaliyyətindən də söz açan gənc diaspor fəalı vurğulayıb ki, hazırda Kanadada dövlət şirkətlərindən birində məşğulluq sığortası departamentində çalışır, həmçinin rəqəmsal marketinqlə də məşğuldur.
Qohumları ilə ilk tanışlığından da bəhs edən Aran Rəfipur bildirib ki, Bakıya ilk dəfə qohum toyu üçün 2007-ci ildə gəlib:
"Elə ulu babam Abdulla Şaiqin evinə, yurduna da ilk dəfə 2007-ci ildə baş çəkmişəm. Həmin vaxt çox isti münasibət gördüm, doğmalıq hiss etdim, ona görə də vaxt tapdıqca gəlirəm. Ancaq qohumlarımızla həmişə əlaqəmiz olub, onlarla telefonla danışmışıq. Anam Zərifə Nuriyeva Rəfipur Abdulla Şaiqin qız nəvəsidir və vətənə çox bağlıdır. Ona görə də evdə həmişə Azərbaycan dilində danışıb, bizi öz dilimizdə danışmağa məcbur edib, elə bu səbəbdən mən rahat Azərbaycan dilində danışa bilirəm. Anam evimizdə daim qohumlarımızdan, ölkəmizdən danışıb, Azərbaycan nağılları oxuyub".
Oxşar xəbərlər
Xəbər lenti
Hamısına bax
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə