Almaniyanın xarici işlər naziri Annalena Berbok Kiyevə gözlənilməz səfər edib.
Axar.az xəbər verir ki, bu barədə TASS məlumat yayıb.
Məlumata görə, Berbokun səfəri təhlükəsizlik baxımından əvvəlcədən elan edilməyib.
Nazir qeyd edib ki, Almaniya bu yaxınlarda Ukraynaya enerji yardımı üçün əlavə 170 milyon avro ayırmaqla qışdan qorunma çətirini genişləndirib.
O, Almaniyanın hava hücumundan müdafiə təşəbbüsünə də toxunub:
“Hər bir hava hücumundan müdafiə sistemi vacibdir”.
Eyni zamanda Berbok Ukraynanın AB-yə həmişəkindən daha yaxın olduğunu iddia edib:
“Xüsusilə media azadlığı və korrupsiyaya qarşı mübarizə sahələrində cəsarətli islahatlar səylərini dəstəkləyir və təşviq etməyə davam edirik”.
Qeyd edək ki, bu, 2022-ci il fevralın 24-də Rusiya-Ukrayna müharibəsi başlayandan bəri Berbokun Kiyevə səkkizinci səfəridir.
