Qərb Gürcüstanın daxili məsələlərinə qarışır - RƏY
15:44 29.11.2024
Siyasət
719
Gürcüstanın Baş naziri İrakli Kobaxidzenin ölkəsinin Avropa İttifaqına (AB) üzvlük danışıqlarını 2028-ci ilə qədər dayandırdığını və qrantlardan imtina etdiyini elan etməsindən sonra Tiflisdə genişmiqyaslı etirazlar başlayıb. Aksiyalara Prezident Salome Zurabişvili də qoşulub və ölkədə konstitusiya çevrilişinin baş verdiyini iddia edib. O, həmçinin Gürcüstandakı vəziyyətlə bağlı Avropa dövlətlərindən yardım istəyib.
Mövzu ilə bağlı "Sherg.az"a açıqlama verən politoloq Turan Rzayev bildirib ki, Gürcüstanın Avropa İttifaqı ilə danışıqlarının dayandırılması gözlənilən idi:
"Əslində, AB ilə aparılan danışıqlar Gürcüstana ciddi bir nəticə qazandırmadı. Gömrük rüsumlarında müəyyən azalmalar və bəzi imtiyazlar xaricində Gürcüstanın əsas gözləntiləri yerinə yetirilmədi. Məsələ burasındadır ki, Gürcüstan Avropa İttifaqına inteqrasiya edərkən üç əsas məqsəd güdürdü: Abxaziya və Cənubi Osetiya problemlərinin həlli, Avropa İttifaqına tam üzvlük və NATO-ya qoşulmaq. Lakin 2008-ci ildən bu yana bu hədəflərin heç biri reallaşdırılmayıb. Əksinə, Qərb Gürcüstanın daxili məsələlərinə qarışmağa başlayıb.
Bu vəziyyətdə hakim "Gürcü Arzusu" partiyası Qərblə əlaqələrinə müəyyən məsafə qoydu və Rusiya ilə münasibətləri normallaşdırmağa başladı. Hazırda Tiflis Azərbaycan kimi balanslaşdırılmış xarici siyasət yürütməyə çalışır."
Ekspert əlavə edib ki, Gürcüstanın Avropa İttifaqı ilə danışıqlarını dayandırmasına görə başlayan aksiyalar hazırda davam edir, lakin onların ciddi nəticə verməsi ehtimalı azdır:
"Qəbul edilən bəzi qanunlarla Qərbin Gürcüstandakı təsir imkanları əhəmiyyətli dərəcədə məhdudlaşdırılıb. Xüsusilə də, Qərbin dəstəyi ilə fəaliyyət göstərən və aksiyalarda fəallıq göstərən qeyri-hökumət təşkilatlarının maliyyə mənbələri kəsilib. Hesab edirəm ki, Qərb Gürcüstanla münasibətlərin tamamilə pozulmasının qarşısını almaq üçün müəyyən addımlar atacaq. Çünki mövcud vəziyyətlə mübarizə aparmaq mümkün deyil".
Oxşar xəbərlər
Xəbər lenti
Hamısına bax
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual