İlon Mask ABŞ-nin yeni seçilmiş prezidenti Donald Trampın Ukraynadakı münaqişəni tez bir zamanda həll edəcəyinə inanır.
APA xəbər verir ki, o, bu fikri “X”də “Almaniya üçün Alternativ” (AfD) partiyasının lideri və Almaniya kanslerliyinə namizəd Elis Vaydellə onlayn müzakirə zamanı bildirib.
Mask qeyd edib ki, münaqişə zamanı artıq çoxlu insan həlak olub. “Düşünürəm ki, prezident Tramp bu müharibəni çox tez həll edəcək”, - deyə o bildirib.
