Mərkəzi İtaliyadakı Toskana regional hökuməti, əsasən katoliklərin yaşadığı ölkədə hüququ tanıyan ilk bölgə olmaqla, regional assambleyasında "tibbi yardımla ölmək" qanununu təsdiqləyib.
Sherg.az xəbər verir ki, Toskana Regional Hökumət Şurası dünən keçirilən iclasda 13 əleyhinə , 27 lehinə səs olmaqla bölgədə tətbiq olunacaq müvafiq qanunu təsdiqləyib.
Toskanada tətbiq olunacaq qanuna görə, uyğunluq meyarları yerinə yetirildiyi təqdirdə, regional səhiyyə xidməti öz həkimi bu proseduru həyata keçirmək istəməyən xəstələrə 10 gün ərzində lazımi dərman və tibb personalını verəcək.
Qanun həm də həkimlərə etik və mənəvi əsaslarla bu prosesdə iştirak etməkdən çəkinməyə imkan verir.
Baş nazir Giorgia Meloninin "İtaliya Qardaşları" (FdI) partiyasından olan Alfredo Antoniozzi, bu mövzuda qərar vermənin bölgələrin deyil, milli parlamentin işi olduğunu və hökumətin bu qanuna etiraz edəcəyini söyləyib.
