Sosial mediada kamera qarşısına keçib yemək yeyərək məşhurlaşan 24 yaşlı fenomen Efecan Kültür dünyasını dəyişib.
Sherg.az xəbər verir ki, TikTok fenomeni aldığı çəkidən qaynaqlanan sağlamlıq problemlərinə görə xəstəxanada müalicə alırdı.
Efecan Kültür “mukbang trendi” kimi tanınan kamera qarşısında yemək yeməsi ilə bağlı şişirdilmiş videoları ilə TikTok-da 156 min, İnstaqramda isə 12 min izləyiciyə çatıb.
Türkiyədə sosial mediada 16 yaş məhdudiyyəti müzakirə olunarkən, Instagram, YouTube və TikTok-da “Mukbang” trendi uşaq və gənclər üçün təhlükə yaradır.
11-25 yaş arası gənclər sosial şəbəkələrdə “klik” və “bəyənmə” almaq üçün həddən artıq çox yemək yedikləri “Mukbang” videolarını paylaşırlar.
Bu tip çox yemək videoları gəncləri ciddi sağlamlıq problemləri ilə üz-üzə qoyur.
EFECAN KÜLTÜR KİMDİR?
Efecan Kültür, Cənubi Koreyadan dünyaya yayılan və “mukbang trendi” olaraq bilinən, kameralar önündə dəbdəbəli yeməklər yeyərək məşhurlaşan sosial media fenomenidir. Videolarını TikTok-da paylaşan Kültürün 156 mindən çox izləyicisi olub.
Kültür sosial media hesablarında tez-tez canlı yemək yeyərkən görüntülərini paylaşıb.
24 yaşlı Efecan Kültür aldığı artıq çəkidən ayağa qalxa bilməyib. Səhhətində yaranan problemlərə görə xəstəxanaya yerləşdirilən Kültür həyatını itirib.
