"Türkiyənin Suriyada nailiyyətləri, terror təşkilatı PKK-nı silahı buraxmağa məcbur etməsi və nəhayət Avropanın ona ehtiyacı olduğunu bəyan etməsi İran və Rusiyanı ciddi narahat edib".
Bu barədə "Sherg.az"a açıqlamasında Vəhdət Partiyasının sədr müavini Vasif Əfəndiyev deyib.
Ekspert bildirib ki, Suriyanın Qərbində baş verən olaylarda min nəfərə qədər insanın ölümün də məhz İran və Rusiya məsuliyyət daşıyır:
"Türkiyənin güclənməsi və terroru bitirməsi ərəfəsində Moskvada saxlanılan Bəşər Əsəd yenidən istifadə olunmağa başlanılıb. Lazkiyada baş verən silahlı toqquşmalarda əsasən məzhəb kartından istifadə olunur. Bəşər Əsədə "sadiq" qüvvələrin şiə məzhəbçiliyi üzərindən bölgəni Türkiyənin nəzarətindən çıxararaq İran və Rusiyanın təsirinə salmaq cəhdləri var".
