Hər biri ayrı həyat yaşayır
ABŞ Prezidenti Donald Tramp və uzun müddətdir ictimaiyyət qarşısına çıxmayan həyat yoldaşı Melania Tramp haqqında səs-küylü bir iddia irəli sürülüb. İddialara görə, cütlüyün evliliyi faktiki olaraq bitib, hər biri ayrı həyat yaşayır.
Sherg.az xəbər verir ki, daha əvvəl Donald Tramp haqqında bir çox kitab yazmış olan bioqraf Michael Volff, “The Daily Beast” platformasının podkastında verdiyi açıqlamada belə deyib:
“Bu cütlük, evliliyi bizim anladığımız şəkildə yaşamır. Açıq şəkildə deyə bilərəm ki, onlar ayrı həyat sürürlər. ABŞ Prezidenti ilə Birinci xanım artıq ayrılıb.”
Melania Ağ Evdə çox az görünür
Volffun iddiasına görə, Melania, Trampın 20 yanvar andiçmə mərasimindən bu yana Ağ Evdə iki həftədən az vaxt keçirib. O, son aylarda çox nadir hallarda ictimaiyyət qarşısına çıxıb, yalnız Papa Fransiskin dəfn mərasimi və ənənəvi Pasxa tədbiri kimi bir neçə tədbirdə Tramp ilə birgə görünmüşdü.
Rəsmi təkzib gəldi
Ağ Ev-in İctimaiyyətlə Əlaqələr direktoru Steven Cheung, bu iddialara kəskin cavab verib. O, Michael Volffun sözlərini tənqid edərək onu “həqiqətdən uzaq bir bədbəxt” adlandırıb.
Melanianın keçmiş meneceri danışdı
1995-ci ildə Melanianı Milanda kəşf edən və onu Donald Tramp ilə tanış edən keçmiş modellik agentliyi sahibi Paolo Zampolli də məsələ ilə bağlı açıqlama verib:
“Melania Ağ Evi sevir və Birinci xanım olmaqdan qürur duyur.”
Göründüyü kimi iddialar Melania və Donald Tramp arasındakı münasibətlərin sarsıldığını göstərsə də, rəsmi mənbələr bu xəbərləri qəti şəkildə təkzib edir. Bununla belə, Melanianın son dövrlərdə görünməməsi və ayrı yaşamaqla bağlı xəbərlər ictimaiyyətdə suallar doğurmağa davam edir.
