“ABŞ-nin Avropa üçün nüvə çətiri yaxın gələcəkdə əvəz edilə bilməz”.
Teleqraf xəbər verir ki, bunu Almaniya müdafiə naziri Boris Pistorius deyib.
“Yaxın tərəfdaşlarımızla nüvə məsələləri üzrə dərin dialoqda çox maraqlıyıq və bunu konfidensial şəkildə aparırıq. Hesab edirəm ki, bu məsələnin ictimai müzakirəsi yanlışdır. Amma ən əsası odur ki, Amerikanın Avropa üçün nüvə çətiri yaxın gələcəkdə əvəz edilə bilməz və bu barədə fərqli təəssürat yaratmamalıyıq”, - nazir bildirib.
Pistorius əlavə edib ki, hazırda ABŞ qoşunlarının Avropadan əhəmiyyətli dərəcədə çıxarılması və ya nüvə silahlarının qarşısının alınmasından imtina əlamətləri yoxdur.
Xatırladaq ki, bundan əvvəl Fransa Prezidenti Emmanuel Makron müttəfiq dövlətlərlə Avropa ölkələrinin Parisin nüvə çətiri altına alınmasının mümkünlüyü ilə bağlı müzakirələrə başlayacağını açıqlayıb. Almaniya, Polşa, Litva və Danimarka bu məsələnin müzakirəsinə açıq olduqlarını bəyan edib.
