İran əvvəlki “Əsl vəd” əməliyyatlarında olduğu kimi, İsrailin hər hansı qeyri-rasional hərəkəti halında bu ölkəyə zərbə endirməyə tam hazırdır.
Axar.az xəbər verir ki, bunu İran ordusunun komandanı, general-mayor Əbdülrəhim Musəvi İsrail rəsmilərinin bazar ertəsi keçirilən brifinqdəki ritorikasına cavab olaraq deyib.
“Sionist rejim İranın böyüklüyünə zərər vuracaq qədər güclü deyil. Digər tərəfdən, İranın gücü İsrail və onun tərəfdarları üçün ciddi problemlər yarada bilər. Onların öz rəsmiləri belə anlayırlar ki, bu cür çağırışlara tab gətirə bilməyəcəklər. Lakin hazırkı rəhbərlər axmaq uşaq qatilləridir, bu səbəbdən istənilən səhv mümkün ola bilər. Əgər onlar yenidən “Əsl vəd” almağa tələsirlərsə, biz uyğun zərbə endirməyə tam hazırıq”, – deyə Musəvi əlavə edib.
