“İran hakimiyyəti uranı zənginləşdirməməlidir, əks halda ABŞ-nin ciddi təzyiqləri ilə üzləşəcəklər”.
Teleqraf xəbər verir ki, bunu ABŞ Prezidenti Donald Tramp Vaşinqtondan Nyu-Cersiyə gedərəkən təyyarənin göyərtəsində jurnalistlərə bildirib.
Dövlət başçısı İranın ali dini lideri Ayətullah Əli Xamneyinin ölkəsinin uranı zənginləşdirməyə qadir olması ilə bağlı sözlərini də şərh edib: "Onlar uranı zənginləşdirməyəcəklər. Zənginləşdirsələr, biz buna başqa cür cavab verəcəyik. Mən də bunu başqa cür etmək istəmirəm, amma bizim seçimimiz olmayacaq. İranda uranın zənginləşdirilməsi olmayacaq".
Tramp İrana qarşı hansı addımlar atacaqlarından danışdığını açıqlamayıb.
