ATƏT Parlament Assambleyası (PA) Suriyanın yeni hökumətini Gürcüstan və Ukraynanın ərazi bütövlüklərini tanımağa çağırıb.
Teleqraf-ın yerli bürosu xəbər verir ki, bu çağırış təşkilatın qəbul etdiyi qətnamədə yer alıb.
“Suriya hakimiyyətini Gürcüstanın Abxaziya və Tsxinvali, həmçinin Ukraynanın Donetsk və Luqansk bölgələrinin müstəqilliklərinin tanınması ilə bağlı qərarını geri çəkməyə çağırırıq”, - sənəddə deyilir.
Təşkilat üzv dövlətləri bölgədə təhlükəsizliyi yaxşılaşdıracaq Suriyanın yeni hökumətinin formalaşdırılmasına dəstək göstərməyə də çağırıb.
Xatırladaq ki, Suriyanın əvvəlki hakimiyyəti 2008-ci ilin avqust müharibəsi nəticəsində Rusiyanın işğal etdiyi Gürcüstanın iki bölgəsi - Abxaziya və Cənubi Osetiyanın “müstəqilliyini” həmin ilin mayında tanıyıb. Dəməşqin bu qərarından sonra Gürcüstan Suriya ilə 1994-cü ildə qurulmuş diplomatik əlaqələri dayandırıb. Suriya qondarma Donetsk və Luqansk “xalq respublikaları”nın “müstəqillik”lərini isə 2022-ci ildə tanıyıb.
