Macarıstan ABŞ-nin Ukraynaya silah tədarükü üçün Avropa İttifaqından rəsmi maliyyə dəstəyi istədiyi təqdirdə, bu təşəbbüsə qoşulmayacaq.
Teleqraf xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto jurnalistlərin suallarını cavablandırarkən bildirib.
“Macar pulları, macar silahları və macar əsgərləri Ukraynaya göndərilməyəcək. Heç bir şey göndərilməyəcək",- o qeyd edib.
Bununla yanaşı, o, ehtimal olunan hərbi yardımın bərpa olunmasının ABŞ Prezidenti Donald Trampın Ukrayna münaqişəsinin diplomatik yollarla həlli səylərindən imtina etməsi anlamına gəlmədiyini də vurğulayıb.
