Uzun illərdir sənətinə dəyər qatan 68 yaşlı Zuhal Olcay enerjisi və duruşu ilə sanki zamana meydan oxuyur. Sosial mediada paylaşdığı fotolarla tez-tez gündəmə gələn usta sənətçi, son verdiyi konsertdən sonra açıqlamaları ilə diqqət çəkib. Olcay gənc və dinamik görünüşünün sirrini dinləyiciləri ilə bölüşüb.
Sherg.az xəbər verir ki, son olaraq Alp Navruz və İlayda Alişanın başrolda olduğu "Piyasa" serialında “Keriman” obrazı ilə tamaşaçı qarşısına çıxan Olcay, həm də müğənnilik fəaliyyəti ilə ön plana çıxır.
Sosial mediada böyük maraqla izlənən Olcay, Gömeçdə keçirilən 4-cü Mədəniyyət və Sənət Barış Festivalında səhnəyə çıxıb və təxminən 15 min nəfərlik tamaşaçıya mahnılarını səsləndirib.
68 yaşlı sənətçi gənc görünüşünün sirrini belə açıqlayıb:
“Bir yazı oxumuşdum; olduğundan daha gənc görünən insanların səbəbi idman, qidalanma, estetik əməliyyat və s. deyil, içlərində daşıdıqları enerjidir. Mən də baxdım ki, bu enerji məndə də var. Üzümə qulluq etməyə çox diqqət edirəm. Dolgu istifadə etmirəm, çünki dolgu üzü böyüdür, genişləndirir və xoş görünmür. Enerjiyə çox inanıram. İnsanın daxili enerjisinin onu diri saxladığına qəti inanıram”.
Olcay əlavə edib:
“Tiyatro mənə enerji verir, mən də tiyatroya enerji verirəm. Bu qarşılıqlı güc məni daim gənc saxlayır”.
