Noyabrın 5-də ABŞ-da 60-cı prezident seçkiləri keçiriləcək. Seçkilərin ən mühüm mövzularından biri olan vəsait yığımı ilə bağlı cari rəqəmlər açıqlanıb.
Sherg.az xəbər verir ki, ABŞ Federal Seçki Komissiyası tərəfindən hər ay yenilənən "toplanan ianələr" və "edilən xərclər" rəqəmləri, Baydenin hələ də ianələr baxımından Trampı qabaqladığını ortaya qoyub.
Baydenin seçki komandası mart ayına cəmi 155 milyon dollar, Trampın komandası isə 42 milyon dollar nağd pulla daxil olub.
Fevralda 53 milyon dollar ianə toplayan Baydenin seçki komandası eyni ayda 20,3 milyon dollar toplayan Tramp komandasını geridə qoyub.
Qeyd olunub ki, Trampın hazırda üzləşdiyi çoxsaylı hüquqi problemlər və məhkəmə çəkişmələri sözügedən ianə rəqəmlərinə mənfi təsir edib və bəzi əsas donorları qərarsız qoyub.
ABŞ-dəki politoloqlar bildirirlər ki, toplanan ianələr və seçki xərcləri birbaşa qalib namizədi müəyyən etməsə də, hərtərəfli seçki reklamları və digər xərclər üçün toplanan ianələrin miqdarı da mühüm göstəricidir.
