ABŞ Hərbi Dəniz Qüvvələri Ərəb dənizində qəzaya uğrayan hərbi helikopterdən sonra itkin düşən dənizçinin axtarış-xilasetmə əməliyyatını dayandırıb.
Teleqraf xəbər verir ki, bu barədə ABŞ Hərbi Dəniz Qüvvələrinin Beşinci Donanmasının mətbuat xidməti məlumat yayıb.
Bildirilib ki, hərbçi iyulun 1-dən etibarən itkin düşmüş hesab olunur. O, MH-60S tipli helikopterin Ərəb dənizinə düşməsi nəticəsində yoxa çıxıb.
Məlumata görə, iyulun 5-dən etibarən aktiv axtarış əməliyyatı dayandırılıb. Hərbçilər 102 saatdan artıq davam edən axtarışlar zamanı 36 min kvadratkilometrdən çox ərazini yoxlayıblar.
Qeyd edək ki, qəzaya uğrayan helikopter ABŞ-nin "George H. W. Bush" aviadaşıyıcı zərbə qrupunun tərkibində fəaliyyət göstərirdi. Qəza zamanı ekipajın dörd üzvündən üçü xilas edilib.
