ABŞ bu yaxınlarda Ukraynaya uzaqmənzilli ATACMS raketlərini təhvil verib.
Trend-in məlumatına görə, bu barədə Ağ Ev Milli Təhlükəsizlik Şurasının nümayəndəsi Edrienn Uotson bildirib.
"Ümid edirik ki, ATACMS öz döyüş hazırlığımıza xələl gətirmədən Ukraynanın döyüş sahəsindəki imkanlarını əhəmiyyətli dərəcədə artıracaq", - deyə o qeyd edib.
Onun sözlərinə görə, göndərilən raketlərin uçuş məsafəsi 165 km, bu silahların maksimal mənzili isə təxminən 305 km-dir.
