Aİ səfirləri Avropa Komissiyasının təklif etdiyi 150 milyard avroluq Aİ-nin hərbiləşdirmə fondu ilə bağlı razılığa gəlib.
APA Avropa Komissiyasının saytına istinadən bildirir ki, bu gün Komissiya və Ali Nümayəndə Avropa Müdafiəsi – Hazırlıq 2030 üçün "Ağ Vərəq" təqdim edib.
Komissiya, həmçinin, Avropanın Yenidən Silahlanma Planı/Hazırlıq 2030-un bir hissəsi olaraq, müdafiə imkanlarına investisiya artımını təmin etmək üçün Aİ Üzv Dövlətlərinə maliyyə vasitələrini təmin edən müdafiə paketini təqdim edib. Bir çox müddəalar məhz Ukraynaya dəstəyi ehtiva edir. Məsələn, "artan hərbi yardım və Avropa və Ukrayna müdafiə sənayesinin daha dərin inteqrasiyası vasitəsilə Ukraynaya dəstək" sənəddə əksini tapıb. 2ci bəndə əsasən, mövcud müstəsna hallar fonunda Komissiya Aİ Üzv Dövlətlərinə Avropanın müdafiə qabiliyyətinə sərmayələri sürətlə və əhəmiyyətli dərəcədə artırmağa kömək etmək üçün özünün yaxşı qurulmuş vahid maliyyələşdirmə yanaşmasına əsaslanaraq, kapital bazarlarında 150 milyard avroya qədər vəsait cəlb edəcək. Bu vəsaitlər milli planlar əsasında tələb əsasında maraqlı Üzv Dövlətlərə veriləcək.
