Ümit Özdağ, Türkiyənin Zəfər Partiyasının sədri, “ictimaiyyəti açıq-aşkar nifrət və düşmənçiliyə sövq etmək” cinayəti ilə bağlı prokurorluqda ifadə verdikdən sonra həbs edilib. Bu xəbərin yerli mətbuat tərəfindən yayılmasından sonra, Türkiyədəki siyasi mühitdə bu hadisə geniş müzakirələrə səbəb olub. Özdağ, xüsusilə miqrantlara qarşı sərt mövqeyi ilə tanınır və bir neçə dəfə bu mövzuda ifadələr vermişdi. Bu hadisə Türkiyədəki siyasi dinamikanı və müxalifət partiyalarının fəaliyyətini necə təsir edə biləcəyini göstərir. Ümit Özdağın həbs olunması, həmçinin onun tərəfdarları arasında təpkilərə və müxtəlif müzakirələrə yol aça bilər. Hələlik, bu məsələnin hüquqi gedişatının necə olacağı, həmçinin siyasi nəticələri barədə konkret məlumatlar yoxdur.
Türk siyasətçi və yazar Aydın Sezer “Sherg.az”a söyləyib ki, Zəfər Partiyasının sədri Ümit Özdağın həbs edilməsi Türkiyədə siyasətin gəldiyi mərhələni göstərir:
“Ümit Özdağ təkcə Türkiyədəki qaçqınlara qarşı deyil, eyni zamanda PKK üzərindən terror təşkilatları ilə də bağlı çox sərt açıqlamalar verən biriydi. Digər tərəfdən Abdullah Öcəlan ilə aparılan müzakilər çərçivəsində prezident Rəcəb Tayyib Ərdoğan və Dövlet Bahçeli türk və kürd barışına qarşı çıxanlara müvafiq tədbirlərin görüləcəyi ilə bağlı xəbardarlıq etmişdilər. Belə bir dönəmdə Ümit Özdağın həbs edilməsinin səbəbini suriyalı və əfqan qaçqınlarla yanaşı sülh prosesinin gələcəyi baxımından atılan addım olduğunu düşünürəm. Yerli mətbuat ilk dəfə bir siyasi partiya sədrinin həbs edilməsindən danışır. Lakin Türkiyədə kürdyönümlü Xalqların Demokratik Partiyasının (HDP) həmsədri, Böyük Millət Məclisinin deputatı Səlahəddin Dəmirtaş uzun zamandır həbsxanadadır. Görünən odur ki, iqtisadi böhranı, ekoloji mövzuları müxalifətin gündəmə gətirməsinin qarşısını almaq üçün Ak Parti belə addımlar atır. Sözügedən proses Beşiktaş Belediye Başkanı Rıza Akpolat və İstanbul Büyükşehir Belediye Başkanı Ekrem İmamoğlu haqqındakı fikirlərdə də özünü göstərir”.
