2024-cü ilin yanvar-fevral aylarında Pekinin idxal rüsumlarının tətbiqi fonunda Çin Rusiya kömürünün alışını kəskin şəkildə azaldıb.
AZƏRTAC xəbər verir ki, bu barədə “Bloomberg” məlumat yayıb.
Xəbərdə Çin gömrük məlumatlarına istinadən bildirilir ki, rüsumların tətbiqindən sonra Rusiya Federasiyasından tədarüklər daha az rəqabətli olub və illik ifadədə 22 faiz azalıb. Eyni zamanda, ümumilikdə Çin kömür idxalı, əksinə, 23 faiz artıb. Rusiya İndoneziyadan sonra Çinin ikinci ən böyük kömür tədarükçüsüdür.
