Finlandiya Çexiyanın Ukrayna üçün birgə sursat tədarükü təşəbbüsündə iştirak etmək üçün 30 milyon avro ayırmaq niyyətindədir.
AZƏRTAC xəbər verir ki, bu barədə Finlandiyanın Müdafiə Nazirliyi məlumat yayıb.
Finlandiyanın müdafiə naziri Antti Hyakkyanenin adından yayılan pres-relizdə deyilir: “Maddi dəstək paketləri ilə yanaşı, Finlandiya Ukraynaya başqa yollarla da kömək edir. Çexiya tərəfindən koordinasiya edilən birgə sursat tədarükü Ukraynada kəskin mərmi çatışmazlığı ilə mübarizədə çox mühüm köməkdir”.
