İsrailin Livana hücumları ABŞ və İran arasında əldə olunmuş atəşkəsi təzyiqə məruz qoyur.
APA xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas “X” hesabında paylaşım edib.
“Hizbullah Livanı müharibəyə çəkdi, amma İsrailin özünümüdafiə hüququ Livanı bu qədər geniş dağıntılara məruz qoymağa bəraət qazandırmır. Ötən gecə İsrailin zərbələri yüzlərlə insanın həyatına son qoydu və bu cür hərəkətlərin özünümüdafiə hesab olunması ilə bağlı arqumenti zəiflədir. İsrailin hərəkətləri ABŞ-İran atəşkəsini təzyiq altına qoyur. Atəşkəs Livana da şamil edilməlidir. Razılaşdırıldığı kimi, Hizbullah silahsızlaşmalıdır. Avropa ittifaqı Livanın Hizbullahı tərksilah etmək səylərini dəstəkləyir”,-Kallas vurğulayıb.
